خالد الغندور يسخر من أزمة أحمد عبدالقادر مع جماهير الأهلي

رد الإعلامي خالد الغندور والقائد التاريخي لنادي الزمالك، بطريقة ساخرة على الأزمة الأخيرة التي نشبت بين أحمد عبد القادر لاعب الاهلي والصفحات الجماهيرية.

ورد أحمد عبد القادر على إحدى الصفحات الجماهيرية المنسوبة لجماهير النادي الاهلي، بعدما اعترضوا على أدائه وأسلوبه، ليتهمه بالحصول على الرشاوي.

وكتب خالد الغندور على صفحته الرسمية:” أنت لو محترم الناس مش هتشتمك، طيب بالنسبة للناس اللي بتشتم دي محترمة بتشتم اللي مش محترم عشان هي محترمة و مؤدبة “.

وأضاف كابتن نادي الزمالك السابق:” خلاص الواطي صاحب اللسان القذر عايز يعلمك العفة و الفضيلة “.

وأطلق تصريحات قوية عبر صفحته الرسمية ردًا على الانتقادات التي يتعرض لها من قبل بعض صفحات السوشيال ميديا.

وقال أحمد عبد القادر عبر صفحته الرسمية: جمهور الأهلي أكبر منك يا شويه هايفين ياللي بتقبضوا الفلوس علشان تعلوا ده وتوطوا ده أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه.

أضاف: جو الأدمن بتاعكو والفلوس اللي بتتوزع عليكو وقدام عيني وحد عرض عليا أعمل حملات هجص ولقطة وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه أبيع بيهم كرامتي فا بلاش انتو علشان انتو لا تمسو للنادي الأهلي بأي شيء.