شوبير يشيد بإمام عاشور ومحمود الخطيب

أشاد الإعلامي أحمد شوبير، بمحمود الخطيب رئيس مجلس إدارة النادي الأهلي، وإمام عاشور، لاعب وسط الفريق الأول لكرة القدم.

وقال شوبير في تصريحات إذاعية:" بقا عادي أننا كل مرة نقول أمام عاشور عاشور نجم المباراة، أنا عايز الناس تمسك الخشب وهي بتتكلم عنه".

وتابع حارس مرمي الأهلي ومنتخب مصر الأسبق:" إمام بيسدد وبيرفع وبيهاجم ويقوم بواجباته الدفاعية والهجومية وبقا بيتحمل المسئولية وكأنه بني آدم تغير، على أكمل وجه".

وشدد:" الحقيقة عايز أتكلم عن طريقة تعامل الكابتن الخطيب مع أكرم توفيق، الناس كلها بتتكلم عليها من إمبارح".

وواصل شوبير:" طبعا أكرم بيلعب مع الأهلي آخر موسم، والكل عارف أنه وقع للشمال القطري، لكن لسا لحد دلوقتي اللاعب بيشارك والمدرب مقتنع بيه جدا".

وأتم أحمد شوبير تصريحاته قائلا:" هي دي يجماعة العقلية الاحترافية اللي لازم تبقي موجودة، لاعب عندك وهيمشي، أستفيد منه لحد ما يخلص عقده وبعدين يمشي عادي".